Ísland er heimili fjölskyldna sem hafa mismunandi samsetningu, hafa ólíkan bakgrunn og tala ólík tungumál. Í skólastofum mætast þar af leiðandi sífellt fleiri mál og þess vegna heyrist mismunandi hreimur í íslenskunni. Góð tök á tungumálinu eykur öryggi, sjálfstraust og vellíðan nemenda. Í daglegu skólastarfi er hæfni til að tjá sig á íslensku — bæði munnlega og skriflega — lykilatriði til að fylgja námi, taka þátt og mynda tengsl.
Nýlegar rannsóknir á Íslandi sýna skýrt samband milli tungumálanáms og námsframvindu. Þegar viðvarandi tungumálaörðugleikar eru til staðar, aukast líkur á að námsleiðir verði brothættar, sem síðar hefur áhrif á samfélagslega þátttöku og aðgengi að vinnumarkaði.
Heimalestur er daglegur lestur sem nemendur taka með sér heim úr skóla. Þetta er lykilatriði til að efla tengsl við tungumálið og fjölskylduna með lestraræfingu undir leiðsögn. Þegar íslenska er ekki fyrsta tungumál á heimili getur þessi daglega rútína þó orðið krefjandi og síður árangursrík.
Í Lesum saman styðja nemendur með góða færni í íslensku og fylgja eftir heimalestri jafningja sinna.
Verkefnið býður skólum upp á einfalt verklag, þar sem nemendur sjálfir, með leiðsögn og jafningjastuðningi, hlusta og styðja við lesskilning, og um leið byggja upp náin og hvetjandi tengsl innan skólans — á nútímalegan hátt þar sem fjöltyngi er nýtt þannig að það samræmist þverfaglegu menntunargildi.
Við lesum saman
Við ræðum saman
Við vöxum saman
Fyrir skóla er þetta hagnýtt og auðvelt í innleiðingu, sjálfbært til lengri tíma og hefur áhrif bæði til skamms og langs tíma. Fyrir fjölskyldur auðveldar það framfarir án þess að daglegur lestur á heimilinu verði að átökum. Fyrir nemendur er þetta verkfæri sem styður tungumálanám og auðveldar aðlögun að skólaumhverfi og félagslegri þátttöku. Lesum saman byggir á því að nýta fyrirliggjandi úrræði sem best samkvæmt gagnkvæmu stuðningslíkani: Lærdómur á sér stað með því að hlusta, útskýra og fylgja eftir.
Á Íslandi búa fjölskyldur úr ólíkum menningarheimum og með mismunandi tungumálabakgrunn, og í skólum mætast æ oftar mörg tungumál í sama bekk. Þátttaka í daglegu skólastarfi skiptir máli: að geta fylgst með námi, lagt sitt af mörkum og tengst öðrum í skólanum. Það getur verið krefjandi að tileinka sér íslensku - bæði í töluðu og rituðu máli -og mismunandi færni í málinu getur haft áhrif á tækifæri nemenda. Þegar kunnáttan í íslenskunni eykst, verður áhrifanna oft vart víðar en í tungumálinu einu: Það getur haft áhrif á þátttöku í kennslustundum, félagsleg tengsl, sjálfstraust og það hversu langt nemandi telur sig geta náð námslega séð.
Við aðstoðum skóla og samstarfsaðila við að innleiða Lesum saman með hagnýtu, tilbúnu efni og leiðsögn: lesefni, verkefni sem styðja munnlega tjáningu og samskipti, samskipta- og samtalsverkefni, skráningarbækur lestrar-/sendiherra, þjálfun, eftirfylgni og verkfæri til að fylgjast með framförum. Efni er sent út eftir beiðni; sendu okkur tölvupóst og við sendum efnið beint.
Lesum saman stækkar jafnt og þétt: School Edition (kjarna módelið), og High School Edition og University Edition koma til framkvæmda árin 2026–2027, byggt á hlutverkum sem eru undir umsjón og með viðurkenndri þátttöku. Ef skóli, bókasafn eða stofnun vill taka þátt, setjum við upp stuttan fund með mikilli ánægju.
Taktu þátt í Lesum saman til að styrkja íslenskunám og byggja upp námsumhverfi þar sem hver nemandi getur tekið þátt, vaxið og blómstrað.
Meginmarkmið
Er að styrkja íslensku með sameiginlegum, leiðbeindum lestri og stuttu samtali, að styðja flæði, lesskilning, orðaforða, framburð og öryggi í tali.
Er að styðja virkari þáttöku í skólastarfi með því að efla öryggi til að fylgjast með námi, leggja sitt af mörkum og tengjast öðrum.
Er að skapa gagnkvæmt nám: færni nemenda þróast með því að fá stuðning, og “sendiherrar” vaxa með því að veita stuðning (ábyrgð, samskipti, leiðtogahæfni).
Er að draga úr álagi í kringum heimalestur, með því að tryggja að reglulegar lestraræfingar fái stuðning innan stofnunarinnar, en falli ekki eingöngu á heimilin.
Er að hjálpa fjölskyldum að fylgjast með náminu með því að hafa skýrari umgjörð og með því að beita einföldum verkfærum sem gera framfarir sýnilegri og að auðveldara sé að hvetja.
Er að veita stofnunum hagnýtt, umsjónarhæft módel — tilbúið efni, þjálfun, eftirfylgni og verkfæri til að fylgjast með framförum.
Er að dýpka tengsl við íslenskt mál, menningu og samfélag með sameiginlegum textum og leiðbeindandi samtali.
Er að styðja vellíðan með því að minnka streitu í kringum lestur og styrkja sjálfstraust og tengsl með tímanum.
Er að hjálpa nemendum að nýta hæfileika sína með því að styrkja íslensku á þann hátt sem styður við námsleiðir og veitir framtíðartækifæri.
Verkefni sem gagnast öllum
Sjálfbært módel sem er einfalt að halda úti: Lesum saman gerir sameiginlegan lestur og samtal að stöðugum, umsjónarhæfum hluta daglegs skólastarfs og styður þannig við íslenskunámið, veitir sjálfstraust, og hvetur til þátttöku og sterkari tengsla með tímanum.
Hvernig virkar Lesum saman?
Lesum saman styrkir lestur fyrir alla nemendur — og er sérstaklega mikilvægt fyrir meira en 5.000 nemendur á Íslandi þar sem móðurmál fjölskyldunnar er annað en íslenska.
Lesum saman er innleitt hjá samstarfsaðilum (skólum og öðrum stofnunum). Stofnunin heldur utan um framkvæmdina á staðnum með umsjón, og við styðjum uppsetningu og eftirfylgni með efni og leiðsögn svo framkvæmdin verði stöðug í daglegu starfi. Við þróum einnig og aðlögum lesefni og verkefni sem henta í raunverulegum bekkjum og hópum.
Upphafsfundur
Við hittum ábyrgðaraðila til að sammælast um fyrirkomulagið: hverjir taka þátt, hvernig umsjón verður háttað og hvaða efni hentar hópnum. Við höldum þessu hagnýtu og sniðnu — svo þið getið byrjað með hnitmiðuðum hætti.
Kynning á verkefninu
Við kynnum Lesum saman fyrir starfsfólki og þátttakendum (og, þegar við á, fjölskyldum): hvað þetta er, hvernig það virkar í daglegri framkvæmd og hvernig á að nota efnið. Þátttakendur fara út með tilbúna umgjörð og skýr hlutverk.
Eftirfylgni og stuðningur
Eftir að verkefnið fer af stað höldum við sambandi með stuðningi og endurgjöf, deilum lestrar hugmyndum sem virka vel og bjóðum einföld verkfæri til að fylgjast með framförum. Við hjálpum einnig til við að halda áhuga og sýnileika með fjölbreyttum verkefnum eins og samkomum milli mismunandi þátttökustaða, bókasafns viðburðum, og með samstarfsaðilum, lestrar áskorunum og keppnum.
Auk prógrammsins bjóðum við leiðsögn og þjálfun í formi vinnustofa, námskeiða og erinda (á staðnum eða á netinu) fyrir skóla, bókasöfn, fræðslu-/tómstundastarf, foreldrafélög og samfélagshópa.
"Greiddu þegar þú getur!": Stofnanir geta lagt til framlag til að standa undir samhæfingu, efni og framkvæmdarkostnaði.
Um okkur
Stofnandi og verkefnastjóri
Noemí Cubas Martín
Ég heiti Noemí Cubas Martín og er kennari og rannsakandi. Ég er með doktorsgráðu í sagnfræði og hef starfað sem kennari á Íslandi síðan 2014. Ég hef birt fræðilegt efni, stýrt bókaverkefnum og tekið þátt í alþjóðlegum ráðstefnum. Ég lauk MA-námi við Háskóla Íslands (2025) og frá febrúar 2026 er ég nýdoktor sem hefur hlotið Rannís-styrk.
Sem móðir sem hóf nýtt líf á Íslandi skil ég þarfir og áskoranir sem nemendur og fjölskyldur þeirra standa frammi fyrir þegar þau aðlagast nýju umhverfi og læra nýtt tungumál.
Sem kennari skil ég einnig mikilvægi þess að byggja menningarbrýr í fjöltyngdum kennslustofum og hjálpa nemendum að styrkja sjálfstraust, tungumálafærni og raunveruleg tækifæri til námsárangurs.
Aðalhöfundur
David Hidalgo Rodríguez
Aðalhöfundur: sögur, verkefni og námsefni.
Þýðingar
Helga Markúsdóttir
Þýðingar, aðlögun og prófarkalestur á íslensku.
Við njótum einnig aðstoðar við: bókhald · grafíska hönnun · vefumsjón · samfélagsmiðla.
Við vinnum með skólum, bókasöfnum og öðrum samstarfs stofnunum á Íslandi, ásamt sjálfboðaliðum sem styðja við viðburði og samfélagsverkefni.
.jpeg)
Tenglasafn
Þessi netföng færa okkur fjölbreytileg verkfæri og atburði sem hæfa vel til aðstoðar við íslenskunám:
Ókeypis netnámskeið með gagnvirkum, æfingum og leikjum, sérstaklega hönnuðum fyrir börn sem vilja læra íslensku á skemmtilegan og árangursríkan hátt.
Vefsíða RÚV, Ríkissútvarps Íslands, með sjónvarps- og útvarpsþætti á íslensku, leiki, fréttir og annað fræðandi efni sem henta börnum í námi og til æfingar á tungumálinu.
Þetta netfangi frá Stofnun íslensks máls býður upp á fjölbreytt efni og verkfæri til að læra íslensku, þar á meðal orðabækur, málfræði æfingar o.fl.
Þessi vefur inniheldur ljóð, ævintýri og gagnvirka leiki sem hjálpa börnum við íslenskunám á skemmtilegan og hagnýtan hátt.
Netfang sem býður upp á námsefni og æfingar til að læra íslensku. Sá hluti sem nefnist "Íslenska sem annað mál" er stílaður til barna og býður upp á leiki, æfingar, ljóð og önnur gagnvirk tæki til að hjálpa þeim að læra tungumálið.
Hagnýtt efni og stuðningur fyrir íslensku sem annað mál í skólum.
Þessi þjónusta fyrir áskrifendur býður upp á námsefni, þar á meðal vefbækur með gagnvirkum verkefnum og skjalaskrám í pdf sniði. Hún er hönnuð til að veita aðgang að námsefni sem kennt er í íslenskum skólum, bæði fyrir íslenskumælandi og þá sem vilja læra íslensku.
Þetta ritvinnsluverkfæri leiðréttir texta og býður upp á fyrstu yfirferð yfir grunnreglur íslensks máls.
Málverkfæri og orðabækur á einum stað (opinber málgátt).
Einfalt og aðgengilegt mál- og orðaforðastuðningur fyrir þá sem eru að læra íslensku.
Veitir lesefni sem er á mismunandi erfileikastigi, hentugt fyrir börn í skólum til að bæta leskunnáttu á íslensku máli.
Hjálpar við íslenskunám með því að veita skýringar og greinanleg svör við spurningum um tungumálið, gefur dæmi og æfingar með hliðsjón af framvindu og færni þinni í tungumálinu.
Til að taka þátt í Lesum saman og stuðla að styrkingu samfélags okkar með mætti orðanna, tengist okkur hér: Facebook Connection and News
Takk fyrir að hjálpa okkur að kynna Lesum saman og styðja verkefnið okkar og vaxandi samfélag. Allar gjafir verða nýttar til samstarfs við íslenska skóla: við munum aðstoða börn og fjölskyldur við heimalestur, um leið og við styrkjum samfélagsleg bönd okkar landinu okkar, Íslandi!
Millifærslu til stuðnings við verkefnið er hægt að gera á eftirfarandi bankareikning, sem tilheyrir Lesum saman verkefninu. Eða ef þið viljið heldur, þá getið þið haft samband beint í gegnum tölvupóst.
KENNITALA: 410223 0740
BANK: 537-26-011621
